Спасувачките екипи денеска во рудникот за јаглен во Велење пронајдоа и трето тело на рудар, со што бројот на жртвите во несреќата што се случи пред два дена се искачи на три.
Несреќата се случила во понеделникот вечерта, кога мокра глина пробила во рудникот, а првата жртва била пронајдена истиот ден, додека вториот рудар е пронајден рано денеска.
– Втората жртва, која утрово беше пронајдена мртва, веќе е пренесена од јамата. Третата жртва се уште не сме успеале целосно да ја откопаме, изјави Марко Мавец, директорот на рудникот Велење, пренесе словенечката агенција СТА.
Мавец истакна дека рудникот Велење е еден од најбезбедните рудници во светот, без сериозни несреќи во последните 22 години.
– Природата е неумолива, а рударството е опасно, рече тој, додавајќи дека семејствата на жртвите ќе добијат паричен надомест.
Рудникот Велење во наредните денови ќе одржи комеморација во спомен на загинатите рудари.
ИЗДВОЕНИ
ЧЕКАЛО ДА БИДЕ НАЈДЕНО ВО ФИОКАТА: Трамп затекнат – Бајден му оставил тајно писмо
„Го сакам рускиот народ и Путин, но…“: Трамп објави детали за санкциите со кои и се закани на Русија ако не постигне договор со Украина
Клековски оптимистичен: Очекува до крајот на јануари да ги има сите лекови на Онкологија
Нема повисоки плати за функционерите, ќе останат покуси за 330 евра!
