Историчарот кој успешно предвидел девет од последните 10 избори во САД верува дека Камала Харис ќе ги добие клучевите од Белата куќа. Анкетите покажаа дека ќе биде „мртва трка“ меѓу републиканскиот кандидат Доналд Трамп и неговата демократска противничка.
Но, системот на професорот Алан Лихтман, наречен „Клучевите на Белата куќа“, подразбира целосно занемарување на анкетите.
Наместо тоа, 13-те параметри на контролната листа се користат за да се одреди кој ќе биде успешен кандидат.
– Зошто сум сигурен дека Камал Харис ќе победи? Затоа што анкетите се изедначени, а мојот систем ги игнорира анкетите – изјави професорот Лихтман за Си-Ен-Ен.
Професорот, кој точно ја предвиде победата на Доналд Трамп против Хилари Клинтон во 2016 година, ги критикуваше анкетите, велејќи: „Луѓето не одговараат на анкетарите, тие лажат, се предомислуваат и треба да погодат кој најверојатно ќе гласа“.
Неговиот систем, кој го разви во раните 1980-ти заедно со рускиот геофизичар Владимир Кеилисо-Борок, го анализира политичкиот пејзаж низ објективот на 13 вистинити и лажни изјави фокусирани на партијата на актуелниот претседател.
Ако шест или повеќе изјави се лажни, тогаш се предвидува дека ќе победи предизвикувачот – во овој случај, Доналд Трамп.
Сепак, неговиот систем моментално заклучува дека 8 од 13 параметри се во корист на Харис – додека три се во корист на нејзиниот републикански ривал, додека два се неутрални.
