Новосадската полиција приведе три момчиња кои се осомничени дека синоќа претепале неколку студенти и тешко повредиле едно девојче. Полицијата го идентификуваше и четвртиот напаѓач.
Како што се дознава, тројцата напаѓачи синоќа тешко повредија едно девојче, а полесно повредија неколку студенти на протестот пред просториите на СНС во Нови Сад и во близина на основното училиште „Петефи Шандор“.
Девојчето кое беше тешко повредено при синоќешниот напад врз студенти во Нови Сад е задржано на опсервација во Клиничкиот центар во Војводина. Од Клиничкиот центар на Војводина за Танјуг потврдија дека во текот на ноќта примиле повредена дваесет и тригодишна девојка.
-Девојката е примена со тешки физички повреди. По целосна дијагностика и лекарска помош, пациентката е под опсервација во Ургентниот центар, соопшти Клиничкиот центар на Војводина.
Студентите од Нови Сад кои се во блокада на својот Инстаграм профил објавија дека група нивни колеги синоќа во 03:24 часот биле нападнати со палки од непознати лица, а едно девојче е тешко повредено. Како што е соопштено, истата група млади момчиња бркале студенти со автомобил на повеќе локации во градот, а тешко повредената ученичка се здобила со повреди во близина на училиштето „Петефи Шандор“ во Телеп во Нови Сад.
Студенти во Нови Сад нападнати со бејзбол палки – една девојка е со потешки повреди
ИЗДВОЕНИ
Мицкоски има 17 советници – меѓу нив и поранешни државни високи функционери
Примале плата, а не клателе ни врата!
Се испраќаат покани за чествувањето на роденденот на Гоце Делчев, ќе се види кој каде ќе се одзве
Министерот Ристовски ја потврди заложбата за финансирање во фудбалот и упати порака за партнерски однос со ФФМ
