Компанијата Realme претстави нова технологија за полнење, која ја навести претходно.
Realme понуди повеќе детали за технологијата за полнење од 320W, која се нарекува 320W SuperSonic Charge и е најбрзата технологија за полнење на паметни телефони во светот.
Од компанијата Realme соопштуваат дека 320W SuperSonic Charge целосно ја полни батеријата на телефонот за четири минути и 30 секунди. Ја полни батеријата до 26% за една минута, а потребни се помалку од две минути за да се наполни над 50 проценти, пренесува b92.
Компанијата вели дека технологијата за полнење од 320 W е малку побрза од технологијата 300 W на Redmi, која целосно ја полни батеријата од 4.000 mAh за четири минути и 55 секунди, додека технологијата на Realme ја полни батеријата од 4.400 mAh за помалку од пет минути.
320W SuperSonic Charge is officially unveiled today! Click the video to learn more about the technology behind it and see how long it takes to charge a phone fully!#realme828Fanfest #320WFastestCharge pic.twitter.com/osefpxcRlT
— realme Global (@realmeglobal) August 14, 2024
Адаптерот од 320W се нарекува „Pocket Cannon“ и нуди напојување од 3,3W/cm3. Исто така, поддржува главни протоколи за полнење, вклучувајќи UFCS до 320W), PD и SuperVOOC. Има две USB-C порти за истовремено полнење: 150W за Realme телефони и 65W за компатибилни лаптопи.
Покрај полначот SuperSonic Charge од 320 W, Realme претстави и флексибилна батерија од 4.420 mAh. Батеријата содржи четири ќелии, секоја тенка помалку од три милиметри и нуди зголемување на капацитетот за 10% во споредба со традиционалниот дизајн.
