Вооружен инцидент се случил попладнево во близина на полициската станица „Бит Пазар“ во Скопје. На терен се присутни засилени полициски сили, како и Брза помош, a sпоред првичните информации, едно лице завршило со потешки повреди и моментално се наоѓа на комплексот клиники „Мајка Тереза“.
Од МВР велат дека полицајци излегле на местото и било констатирано дека се работи за престрелка помеѓу две групи од по пет до шест лица.
-Денеска околу 14.00 часот во СВР Скопје е пријавено дека на ул.„Војдан Чернодрински“ на подрачјето на Бит Пазар има пукање од огнено оружје. На местото на настанот најдени се повеќе чаури, а оштетени се неколку изложни стакла од продажни објект и околните продавници и неколку паркирани возила, појаснија од МВР.
Според дел од медиумите на албански јазик во земјава, ранет е 30-годишник од Арачиново, со повеќе рани на главата и градите. Неофицијално, претходна расправија довела до немилиот инцидент. Повеќе детали се очекуваат во текот на денот.
ИЗДВОЕНИ
Столот специјално направен за папата Франциск oстана вредна реликвија во скопската катедрала
Првата антикорупционерка во корупциски скандал, ќе даде ли оставка или ќе причека?
Вистински инвалиди не добивале потпис, со нивните дијагнози други заработувале пензии
Повисоки плати не се 500 евра, туку 500 евра е минималец кој ќе ги зголеми другите плати!
