Преговараат Русите и Американци, но каде е Зеленски?

Соединетите американски држави и Русија водат разговори во Саудиска Арабија за војната во Украина – први директни разговори меѓу двете земји по инвазијата на Москва на Украина.

Додека американската и руската делегација штотуку седнаа на масата во Ријад, во преговорите недостасува еден клучен учесник: Украина.

Иако ова не е почеток на мировните преговори – како што сакаат да нагласат Соединетите држави – тоа секако е во фокусот. Имено, Доналд Трамп предвиде дека преговорите ќе започнат „веднаш“ по неговиот изненаден разговор со Владимир Путин минатата недела, јавува Би-Би-Си.

На денешните преговори не присуствуваат ниту Володимир Зеленски, ниту други украински функционери. Всушност, Зеленски не беше поканет да учествува.

„Не можеме да го признаеме договорот… без нас“, им рече тој на новинарите за време на вчерашната посета на ОАЕ.

Наместо тоа, Зеленски денеска е во Турција на средба со претседателот Реџеп Таип Ердоган.