Во општина Битола се одржа работна средба на градоначалникот Тони Коњановски, претставници на општинската администрација, ЈП за урбанистичко планирање, проектирање и инженеринг – Битола и претставник од Општина Могила, со тимот за подготовка и изведба на автопатот Битола – Прилеп.
Проектантите од ГИМ – Градежен институт Македонија и претставници на изведувачот на автопатот, компанијата „Бехтел и Енка“, ги информираа присутните за предвидената траса која што ќе се реализира од влезот на градот Прилеп од страна на превојот Плетвар, до северната страна на градот Битола кај постојниот патен јазол во близина на селото Крклино.
На средбата беа појаснети одделните предвидени активности за време на изградбата на автопатот, како што се патните јазли, премини преку автопатот од постоечките села, начинот на времен режим и пренасочување на патниците во тек на градба, начинот на изведба со увид на пресеци и детали на новопланираната состојба на трасата и останати активности во однос на организација на градилиштето. Според договорената динамика на изведувачот, реализацијата на автопатот треба да заврши до крајот на 2027 година.
ИЗДВОЕНИ
Стапуваат на сила измените на Законот за електронски комуникации: Во првиот бран ќе бидат забранети над 160 веб страници за нелегално коцкање
При вонредни 165 надзори во магацини и ладилници за храна, утврдени недоследности кај 41 оператор
Оперски грмотевици: Пласидо Доминго на сцената во Скопје ја излеа магијата на својата најнова музичка приказна/ФОТО
Мерката куќен притвор се преиначува: Јахоски оди во 30-дневен притвор, одлучи Кривичниот суд
