Познатиот џокеј и шампион во трките со коњи Дени Николиќ, заедно со својот адвокат Патрик Ленон, се обвинети за кражба на накит и луксузни чанти во вредност од 177.000 долари. Двајцата на 9. јануари упаднале во замок во Карлтон, надвор од Мелбурн и ја ограбиле куќата. Дени Николиќ (50), кој има македонско потекло и Патрик Ленон (61) беа уапсени од австралиската полиција, а во вторникот се појавија пред Судот во Мелбурн.
Полицијата наведе дека двајца мажи насилно влегле во имотот, на улицата Беркли. Сето тоа наводно се случило околу 2 часот по полноќ. Сведок видел што прават, повикал полиција и биле фатени на дело. Тие се уапсени и обвинети за кражба. Ниту Николиќ, ниту Ленон не беа застапувани од адвокати за време на краткото рочиште, каде што обвинителите поднесоа барање за измена на обвиненијата, бидејќи накитот тогаш бил проценет.
Обвинителот Мајкл Ропер рече дека обвиненијата треба да бидат изменети за двајцата да ја одразуваат вредноста од 177.000 американски долари, што значи дека предметот може да биде изнесен пред Окружниот суд. Судијата Белинда Валингтон го праша Николиќ дали има адвокат, а тој објасни дека Теа Милидес ќе го брани, додека Ленон се чини дека се застапува себеси.
Дени Николиќ беше обвинет за напад во инцидент и во 2021 година, а тој случај сè уште не е решен, а поранешниот џокеј е пуштен со кауција. Австралиецот со српско презиме, по потекло од Македонија, се бранеше обидувајќи се да му објасни на судијата дека работата е решена. Но, не е… – Првпат слушам за тоа, пред неколку години – изјави Николиќ.
Судијата му даде копија од обвиненијата да му ги предаде на својот адвокат и му ја продолжи кауцијата до 13 мај. Втората кауција, за обвиненијата за кражба и провала, беше продолжена за Ленон и Николиќ до 17 јуни, кога тие повторно ќе се појават на суд.
Дени Николиќ победи на 32 трки од Првата група, вклучувајќи го и Купот на Колфилд во 2003 година. Додека беше ѕвезда на трките со коњи, еден од трофеите лично му го врачи познатата холивудска актерка Сара Џесика Паркер. Тој ја загуби дозволата за џокеј во 2017 година. Во 2010 година беше под истрага пет месеци за недолично однесување што беше штетно за имиџот на коњски трки. Тој беше ослободен од обвиненијата, но мораше да плати казна од 3.000 долари.
ИЗДВОЕНИ
Ќе се најде ли чаре за радиоактивниот облак кој со години ја труе пола Македонија!?
Како девојчето што го љубел папата Франциск во детството ја одреди судбината на Католичката црква
Каков би можел да биде новиот папа? Одговор дава вештачката интелигенција!
Директорите не чувствуваат вина, судењето во завршна фаза
