Познат малопродажен ланец почна да наплатува влез во своите продавници

Познатиот германски ланец на намирници Алди моментално тестира нов модел за купување во Велика Британија. Секој што сака да купува во продавницата Shop & Go во Гринич, источен Лондон, треба да плати влезница од 10 фунти (околу 12 евра).

Имено, сега не можете да влезете во продавница освен ако не се најавите со апликацијата Aldi која ве чини 12 евра или ако ја немате апликацијата, тогаш треба да платите депозит од 12 евра со вашата банкарска картичка.

Можете слободно да се движите низ самата продавница, а вештачката интелигенција регистрира што купувачите земаат од полиците и ставаат во количката. Кога ќе ја напуштите продавницата, износот автоматски се повлекува од картичката зачувана во апликацијата.

Новото во целата приказна е што сега клиентите треба да платат депозит за ввоопшто да може да влезат во продавницата. Ако потрошите 12 евра или повеќе, вашиот депозит се признава, но ако потрошите помалку или ништо, вашиот депозит се враќа. Така барем во теорија треба да биде. Системот очигледно сè уште е донекаде подложен на грешки, наведуваат медиумите.