Продолжува потрагата по тригодишното девојче кое два дена е исчезнато во реката Сава во Загреб.Од денеска истражувачките тимови ќе ја прошират потрагата и на округот Сисак-Мославина.
Хрватските медиуми пишуваат дека спасувачките тимови, вклучително и полицијата, пожарникарите, Хрватската национална служба за спасување и хрватскиот Црвен крст, го пребаруваат коритото на реката со помош на чамци, дронови и подводни скенери.
Полицијата ја отфрли можноста дека се работи за несреќен случај, поради што вчера и официјално беше уапсена 34-годишната мајка на девојчето и е осомничена за кривично дело тешко убиство на блиско лице. Се наведува дека и сопругот бил сослушан во полиција.
