Три столчиња беа поставени за сега веќе познатата средба меѓу американскиот претседател Доналд Трамп и Володимир Зеленски во Ватикан, но францускиот лидер Емануел Макрон на крајот остана настрана.
На социјалните мрежи кружи видео на Трамп во сино одело и Зеленски во вообичаената гардероба, како се доближуваат до столчињата што свештениците ги подготвиле за средбата во базиликата Свети Петар.
Третото столче очигледно било наменето за Макрон, кој им приоѓа одзади и се ракува со Зеленски, но потоа е сопрен од Трамп.
– Не си во право овде, наводно му рекол Трамп на францускиот претседател, а според читателот на усни Никола Хиклинг, тој додал: „Не треба да си тука“.
Зеленски првично се чини дека го сака присуството на Макрон, но потоа кимнува на зборовите на Трамп. Следната снимка ги прикажува Трамп и Зеленски во разговор, без Макрон – и без третото столче.
-Денеска во Рим имаше многу позитивна размена на мислења со Зеленски. Украина е подготвена за безусловен прекин на огнот. Ова денеска ми го потврди Зеленски. Тој сака да работи со Американците и Европејците за да го спроведе, напиша Макрон подоцна на социјалната мрежа Х.
Хиклинг успеа да прочита само неколку зборови од таа средба за Дејли Мејл. Според неа, Трамп му рекол на Зеленски дека има „многу интересна стратегија“, додека Украинецот му рекол на американскиот претседател: „Би сакал да го направиш тоа, но не на овој начин“.
Двајцата политичари разговараа околу 15 минути во базиликата Свети Петар. По средбата, Зеленски побрза да ги искористи социјалните мрежи за да го претстави разговорот како успех на украинската дипломатија. Белата куќа не ја коментираше оваа тема, додека Трамп набргу потоа го напушти Рим, без поздрави или „втората средба“ која ја споменуваат украинските медиуми.
Трамп го претставува руско-украинскиот конфликт како наследство од претходната администрација и се обидува да постигне договор за нормализирање на односите со Москва. За тоа време, Макрон се претставува како лидер на „тврдокорната“ Европа која се залага за продолжување на воената помош за Украина и ги отфрла преговорите со Русија.
Total power move. Zelenskyy attempts to meet with Trump at Saint Peter‘s Basilica, but wanted President Macron there as well. Three chairs were set up when Trump arrived. Then he tells Macron to leave and that he’ll meet with Zelenskyy one on one. This is how you end the… pic.twitter.com/7TXb3WiMmF
— Ben Swann (@BenSwann_) April 26, 2025
Читач на усни откри што разговарале Трамп и Зеленски: Сè се смени кога наиде Макрон
ИЗДВОЕНИ
НА СОБИРОТ ВО МЕЛНИК: Македонците во Бугарија го чествуваа Јане Сандански, порачаа дека ќе се борат за своите права
ВЛАСТА И ОПОЗИЦИЈАТА ГИ УТВРДУВААТ ФРОНТОВСКИТЕ ЛИНИИ ПРЕД ЛОКАЛНИТЕ ИЗБОРИ: Во клинч за анкети и проценти
Немаме гасовод, а кешираме по 300 илјади евра месечно за гас
„Ако вие, судии и обвинители, се плашите, еве ние, мајките, ќе застанеме пред вас и ќе ве браниме само дојдете до вистинскиот виновник“
