Последната филмска улога на Вал Килмер: „Прилично емотивно“/ВИДЕО

Вал Килмер, легендарниот американски актер познат по неговите улоги во филмовите како што се Топ Ган, Дорси и Бетмен засекогаш, почина од пневмонија на 65-годишна возраст.

Во последните години од животот Килмер се повлече од јавноста поради здравствени проблеми, откако во 2014 година му беше дијагностициран рак на грлото, од кој подцна закрепна, а последен пат се појави во филмот Топ Ган: Маверик од 2022 година, продолжение на култниот филм од 1986 година.

„Само сакам да кажам дека беше прилично емотивно“, му рекол Круз на Џими Кимел во 2023 година за повторното обединување со својот пријател, пренесува Индекс.

„Го познавам Вал со децении, а кога се врати да го оживее тој лик… Тој е толку силен актер што веднаш повторно стана тој лик“, се сеќава тој.

Вал Килмер оствари една од своите најпознати улоги во Топ Ган во 1986 година, каде што го играше Том „Ледениот човек“ Казански, талентиран и самоуверен борбен пилот кој е главниот ривал на младиот Маверик, кој го игра Том Круз.

Иако ликот на Ајсмен беше спротивен на главниот лик – постуден, посмирен и подисциплиниран – Килмер успеа да внесе харизма и длабочина во неговата изведба, создавајќи незаборавна динамика на екранот. Неговата интерпретација на Ајсмен  стана икона, а самиот филм е едно од најпрепознатливите достигнувања во осумдесеттите.