Поскапува искачувањето на Монт Еверест!

Непал одлучи да ги зголеми таксите за дозволи за искачување на Монт Еверест за повеќе од 35 отсто, што го прави највисокиот врв на светот поскап за алпинистите за прв пат по речиси една деценија, соопштија денеска официјални лица.

Дозволата за искачување на Еверест, кој е на 8.849 метри, сега ќе чини 15.000 долари, што е за 36 отсто зголемување од претходната цена од 11.000 долари, која важеше речиси една деценија, објави Ројтерс.

„Надоместокот за дозволата не беше ревидиран долго време. Сега го ажуриравме“, рече генералниот директор на Одделот за туризам, Нарајан Прасад Регми.

Новата цена ќе стапи на сила во септември и ќе важи за сезоната април и мај, како и за стандардната рута долж југоисточната страна на планината, на која за прв пат се искачија Едмунд Хилари и Тензинг Норгај во 1953 година за време на првата успешна искачување на Еверест.

Надоместокот за помалку популарните сезони – од септември до ноември – сега ќе биде 7.500 долари, а за искачувањето во ретко посетената сезона, од декември до февруари, планинарите во иднина ќе треба да издвојат 3.750 долари.

Nepal hikes Everest climbing fee to $15,000

As per the new rules, every two climbers must hire a guide to scale 8,000-metre mountains.https://t.co/HcyIx61jDU —by @sangamprasai

— The Kathmandu Post (@kathmandupost) January 21, 2025