Сопственичка на кафуле во Англија го преименуваше популарното кафе Американо во „Украинско“ во знак на протест поради, како што рече, злоупотребата на името од страна на претседателот Володимир Зеленски за време на неговата посета на Белата куќа.
Хелен Грегори, која го води кафулето „Сихорс кофи бок“ (Seahorse Coffee Bok) на шеталиштето во Ситон Керу, приморски град во источна Англија, објасни дека тоа го направила како поддршка на украинскиот претседател.
На видеото кое го сподели на социјалните мрежи, може да се види како на нејзиниот ценовник залепува налепница на која пишува „украински“ над името Американо.
Таа рече дека никогаш претходно не направила вакво нешто и ги повика другите кафулиња да го следат нејзиниот пример.
Таа рече дека гостите го поддржале протестот, додавајќи: „Знам дека нема да направи разлика, но барем во мојот мал агол јас заземам став“.
Кафето „американо“ го добило своето име за време на Втората светска војна кога американските војници разредувале силни еспреса во Италија за да го направат кафето повеќе како дома.
ИЗДВОЕНИ
Граѓаните сами да ги читаат броилата за да не плаќаат астрономски сметки за струја
Ќе се најде ли чаре за радиоактивниот облак кој со години ја труе пола Македонија!?
Како девојчето што го љубел папата Франциск во детството ја одреди судбината на Католичката црква
Каков би можел да биде новиот папа? Одговор дава вештачката интелигенција!
