„Политико“: Род Благоевич почна да работи за Милорад Додик

Род Благоевич има нова работа: да ги застапува интересите на ултранационалистички политичар во САД познат, како што тврди „Политико“, како „босанска мечка“.

Поранешниот гувернер на Илиноис, кој беше помилуван од американскиот претседател Доналд Трамп во февруари, се согласи да лобира во име на Република Српска, територија со мнозинско српско население во Босна и Херцеговина, која долго време е заглавена во жестоки етнички тензии во регионот, пишува „Политико“, пренсе Н1.

„РРБ стратегии“ (RRB Strategies), фирмата на Род Благоевич, „ќе обезбеди поддршка за комуникација и односи со јавноста во име на Република Српска“, според изјавата за регистрација што таа требаше да ја поднесе според Законот за регистрација на странски агенти.

Благојевич во средата изјави за „Политико“ дека се надева дека „ќе ги искористи сите свои способности за да ги убеди носителите на одлуки дека треба уште еднаш да го разгледаме Дејтонскиот договор и да го усогласиме со денешната реалност“.

Како што пренесува „Политико“, Благоевич се обидува да се прикаже себеси како еден од долгата низа популистички лидери кои се нападнати од „неизбрани бирократи кои ги пречекориле своите уставни овластувања“, од Трамп до Марин Ле Пен во Франција и Милорад Додик, претседателот на Република Српска.

„Верувам дека нападите што во моментов се случуваат во Европа од страна на Европската унија против одредени популистички политички лидери кои не им се допаѓаат, започнаа со мене како централно-левичарски демократски гувернер на Илиноис… И потоа тие го однесоа тоа на повисоко ниво и му го направија на претседателот Трамп“, рече Благоевич.

Додик долго време се залагаше Република Српска да се отцепи од Босна и Херцеговина и да и се придружи на блиската Србија, пишува „Политико“.

Во февруари тој беше осуден на една година затвор поради пркосење на Уставниот суд на земјата.