Политичка драма во српското Собрание: Димни бомби предизвикаа хаос меѓу пратениците/ВИДЕО

Во Собранието на Србија дошло до физичка пресметка, а потоа биле запалени димни бомби. Седницата е во прекин. Претседателката на српскиот парламент, Ана Брнабиќ ги повика пратениците да се вратат во своите фотелји. Во сала исполнета со чад некој фрлил вода кон претседателката на Собранието, Ана Брнабиќ, а потоа настанала тепачка меѓу пратениците, јавува Еуроњуз.

Претседателката на српското Собрание изјави дека пратеничката Јасмина Обрадовиќ била изнесена од салата и однесена со возило на брза помош.

Нередите избувнале, како што јави Танјуг, кога пратеникот на ЗЛФ Радомир Лазовиќ се упатил кон говорницата, но бил спречен од собраниското обезбедување.

Ne vidi se najbolje šta se dešava u Skupštini, a ne čuje se ništa, jer je zvuk isključen.#Skupština pic.twitter.com/OfVoMcbrq2

— Otvoreni Parlament (@O_Parlament) March 4, 2025

Пратеничката на ЗЛФ Билјана Ѓорѓевиќ тргнала по него, по што следела турканица, јави Танјуг.

Инаку, Собранието на Србија со мнозинство гласови прифати Предлогот за измени на Законот за високото образование да се стави на дневен ред по итна постапка, а пратениците од опозицијата не гласаа за него.

Со измените на Законот за високо образование, како што претходно изјави претседателката на српското Собрание Ана Брнабиќ, ќе се исполни четвртото барање на студентите во блокадата.

Инаку, во Народното собрание на Србија денеска почна првата седница на редовната пролетна седница, а беше предложен дневен ред со 62 точки, меѓу кои и четири закони од областа на образованието, меѓу кои и измените на Законот за високо образование. На седницата треба да се потврди и оставката на премиерот Милош Вучевиќ.