Хрватските медиуми јавуваат дека утрово полицијата во акција по наредба на Ускок го уапсила министерот за здравство Вили Берош. Неофицијално уапсен е и раководителот на Клиниката за неврохирургија КБ „Сестри милосрдници“ проф. д-р. Крешимир Ротим.
Станува збор за набавка на двојни микроскопи за неврохирургија, кои наводно биле преплатени. Од Канцеларијата за корупција и организиран криминал (Ускок) потврдија дека тоа е нивна акција.
„Апсењата и спроведувањето на итните доказни дејствија се резултат на истрагата што претходно ја спроведе Ускок.
Наведените дејствија се вршат на подрачјето на Загреб и Скрадин во врска со повеќе лица, од кои едното е висок државен функционер за кој постои основано сомнение дека извршил коруптивни кривични дела“, пренесе Ускок, пренесува Танјуг.
