Најновите модели на временската прогноза сугерираат можност за посериозен продор на студен зимски воздух. Така, веќе на почетокот на април се очекува ненадејно зајакнување на антициклонот над северна Европа, што ќе ја создаде таканаречената блок ситуација што е карактеристична за зима, а не во април.
Речиси станува правило ваквите класични зимски синоптички ситуации да отсуствуваат во јануари и февруари, а да почнат да шират во април, вториот месец на климатолошката пролет кога веќе никому не му се потребни, пренесува Истрамет.
Со ваквиот развој на синоптичката ситуација, на работ на антициклонот широко се отвора вратата за студени продори од североисточна Европа, кои директно можат да ги зафатат нашите региони.
На почетокот на април, резервите на студен воздух во североисточна Европа се сè уште значителни, што го отежнува избегнувањето на силни студени бранови.
Во вакво сценарио, температурите на воздухот може да се спуштат и до 15 °C под просекот за период од годината, а оваа состојба може да трае неколку дена.
Единствена надеж за поповолен исход од прогнозата останува можноста антициклонот нагло да се прошири над нашето подрачје. Во тој случај, најголемиот дел од студениот фронт би ги погодил централниот и источниот Балкан и Турција, а во другите делови би дошло само умерено заладување.
ИЗДВОЕНИ
„НИ ГИ УКРАДОА ИЗБОРИТЕ СО СКАНДАЛОЗЕН МАНЕВАР“: Ле Пен го „преспа“ шокот од пресудата, денеска тргна во контранапад
ИНТЕРВЈУ, ГОРАН МИНЧЕВ, МИНИСТЕР ЗА ЈАВНА АДМИНИСТРАЦИЈА: Евроамбасадорот Рокас е во право, но активно работиме на реформите и го исправаме доцнењето што трае цела деценија!
Кешишев го разголи царот
ЈАВНА СЕДНИЦА НА УЛИЦА: ССМ бараат 500 евра минимална плата – и за пратениците/ФОТОГАЛЕРИЈА
