Поддршката на САД за Украина има цена: Трамп бара 500 милијарди долари во ретки метали

Поддршката на САД за Украина има цена: 500 милијарди долари минерални ресурси, изјави американскиот претседател Доналд Трамп. Во вториот дел од интервјуто за Фокс њуз, емитувано доцна вчера, Трамп рече дека САД треба да добијат дел од огромните природни ресурси на Украина како компензација за стотиците милијарди долари што ги потрошиле помагајќи му на Киев да се спротивстави на руската инвазија.

„И реков на Украина дека сакам 500 милијарди долари во ретки метали. И тие практично се согласија на тоа, така што барем не се чувствуваме глупави“, рече Трамп. Во спротивно ние сме глупави. Им реков: Мораме да добиеме нешто. Не можеме да продолжиме да ги даваме тие пари“, додаде тој.