Почна изградбатa на првиот малопродажен парк „Фешн Парк Триангла“ во Триангла за што ќе бидат инвестирани 10 милиони евра. Од општината велат дека она што го прави посебен овој парк е новиот концепт на визуелно дизајнирани продавници со нов начин на изведба и материјали, нешто што е препознатливо низ Европа.
„Фешн Парк Триангла“ се простира на површина од 15.000 квадратни метри од кои 6.500 квадратни метри, површина за изнајмување, а во рамки на проектот има и бизнис-центар и хотел со површина од 5.000 квадратни метри, како и подземен паркинг со над 200 паркинг места.
– Преку оваа инвестиција, Општина Гази Баба продолжува да се модернизира и истиот ќе донесе нова енергија за нашите сограѓани. Овој проект кој е според сите светски стандарди, ќе привлече голем број посетители, кои ќе уживаат во содржините кои ги нуди проектот – соопштија од локалната самоуправа.
Оттаму додаваат дека овој проект е од огромно значење за општината, но и за Скопје, пред сè поради тоа што градот ќе се позиционира како лидер во овој дел од регионот и ќе биде претпознатлив по ваков тип на објекти.
