Американскиот претседател Доналд Трамп денеска објави дека неговата земја ќе воведе дополнителни царини од 10 отсто за кинески стоки почнувајќи од 4 март, и рече дека царините за Канада и Мексико, исто така, ќе стапат на сила на тој датум.
Обвинувајќи ги трите земји за олеснување на влезот на дрогата фентанил во САД, Трамп на својата социјална мрежа Вистина напиша дека „додека ова зло продолжува или не е сериозно контролирано, најавените тарифи (против Канада и Мексико) ќе стапат на сила на 4-ти март, како што е предвидено“, додека дополнителни царини од 10 проценти ќе бидат воведени и за Кина.
Кинеските производи се цел на царини од 10 отсто од почетокот на февруари, на што Пекинг одговори со целни доплати за американскиот извоз.
Што се однесува до Канада и Мексико, Трамп вети дека ќе воведе царина од 25 отсто на нивниот извоз на почетокот на февруари поради илегалната имиграција и шверцот на фентанил, смртоносен синтетички опиоид што предизвикува хаос во САД.
Неколку часа пред да стапат на сила царините, Трамп рече дека тие се одложени за 30 дена за двете земји.
Американскиот претседател денеска изјави дека рокот истекува во вторник на 4 март.
ИЗДВОЕНИ
Приведени се поранешниот директор на КПУ Затвор Скопје и затворски полицаец, кривични пријави за нив и за уште 8 лица
Готви ли ИВЗ фатва против уставните судии: Ќе се погрижиме да не им биде нарушено правото на школување на учениците на медресата
Картелските игри потврдени, четири ланци ќе искешираат 47 милиони евра?
Македонија ја поддржала резолуцијата на САД оти ЕУ-членките немале заеднички став
