Општина Крива Паланка и Фондацијата „Со срце за Крива Паланка“ ги започнаа подготовките за старата градска традиција на маскирање и палење оган, која ќе се одржи втора година по ред, по повод празникот Прочка.
Веќе е отворен повик за пријавување групни маски за манифестацијата „Сусурига 2025“, која ќе се одржи на 1 март 2025 година со почеток во 18:00 часот, на Градскиот плоштад во Крива Паланка.
Од Општината велат дека станува збор за уникатен ритуал во духот на градската традиција и дека ќе има ревијално дефиле под маски и настап на специјални гости од земјава и од соседството, познати по обредното изведување обичаи.
– Ќе има забава под маски, ритуално палење оган и сѐ што е карактеристично за називот „сусурига“, кој се среќава единствено во Крива Паланка – потенцираат од Општина Крива Паланка.
При тоа, ги повикуваат сите заинтересирани, на возраст над 14 години, да земат учество и да пријават групни или маалски маски за претстојниот настан.
ИЗДВОЕНИ
Партиите со стари формации во нова изборна битка!
Секој што сака да ги почитува ликот и делото на Македонецот Гоце Делчев, слободно да дојде
Бојкотот да не се користи за политички препукувања, казните за трговците нема да го зголемат паричникот на граѓаните
Ќе има две потрошувачки кошнички – синдикална и официјална
