Општина Центар започна со редовна пролетна дератизација на целата територија. Во текот на следните две недели ќе бидат опфатени над две илјади шахти, со цел уништување на штетните глодачи и инсекти, како и превенција од можни заразни болести.
Дератизацијата се спроведува два пати годишно, во пролет и во есен, и претставува една од клучните мерки што ги презема Општината за заштита на здравјето на населението.
Општина Центар информира дека препаратот што се користи за дератизацијата е селективен, сертифициран од овластен производител и е специјално дизајниран за контрола на популацијата на глодачи. Препаратот е одобрен од Министерството за здравство на Република Северна Македонија и не претставува ризик за другите животински видови.
