Европската фудбалска федерација (УЕФА) го отвори процесот на аплицирање за купување билети за овогодишните финалиња во Лигата на шампионите, Лига Европа и Конференциската лига.
Официјалниот портал за купување билети на УЕФА ќе биде отворен до петок, 11 април во 11 часот, а секој поединец ќе може да купи најмногу два билети за Лигата на шампионите, а по четири за преостанатите две финалиња.
Како и изминатите години, најголемиот дел од билетите се наменети за навивачите на финалистите, додека билетите за пошироката јавност ќе се продаваат преку лотарија што ќе се спроведе по завршувањето на периодот за пријавување.
Финалето во Лигата на шампионите ќе се одигра на 31 мај на Алијанц Арената во Минхен, со капацитет од 64.500 седишта.
Цените на билетите се движат од 70 евра за финалистите, а за останатите места ќе треба од 180 до 950 евра.
Финалниот натпревар во Лига Европа ќе се игра на 21 мај во Билбао, додека финалето на Конференциската лига на 28 мај во Вроцлав.
ИЗДВОЕНИ
Пријателски натпревар Вардар – Црвена Звезда, хуманоста и емоциите во прв план/ФОТО
МНР: Процесот на проширување на ЕУ мора да биде предвидлив и заснован на критериуми
ЕКО СРЕДА, ШТО АКО…? Мојот мал Бруклин
Десет години давале согласност за непостоечки паркинг и пристап при пожар, замижувале на тепачките и гласноста
