Кочани денеска беше завиено во црно. Река од луѓе, цели семејства, група од млади, чекореа кон вечното почивалиште на триесеттемина, кои беа нивни роднини, другари, пријатели, соседи… Со цвеќиња во раце, свежи, исто како животот на предвреме починатите во страшната несреќа. И тогаш, во тие моменти на тишина, едно зад друго, низ центарот на малото гратче, поминаа возилата кои ги носеа жртвите кон гробните места. Застанаа мирно сите кои во тој момент се најдоа на улицата, луѓето излегуваа од возилата, за последно збогум на генерацијата која требаше да ги наследи. Граѓаните излегоа на терасите и немо го следеа текот на возењето, со насолзени очи, ги испраќаа во тишина, во мир. Илјадници луѓе доаѓаа од сите страни, преку пругата, ама и покрај шините како што водеше патот кон почивалиштата. Меѓусебно си разменуваа куси реченици, посочувајќи си ги имињата на нивните познаници кои изгубиле близок во несреќата. Траорно беше и во Скопје и Струмица каде што се вечните почивалишта на членовите на групата ДНК, како и во Штип и во Облешево, кои исто така се збогуваа со своите сограѓани. Македонија завиена во црно, нема граѓанин кој што не сочувствува со трагедијата
Пандорче АНТЕСКА
Фото:
Ѕ. Плавески
П. Стојановски
Кочани денеска беше завиено во црно. Река од луѓе, цели семејства, група од млади, чекореа кон вечното почивалиште на триесеттемина, нивни роднини, другари, пријатели, соседи. Со цвеќиња во раце, свежи, исто како животот на предвреме починатите во страшната несреќа. И тогаш, во тие моменти на тишина, едно зад друго, низ центарот на малото гратче, поминаа возилата кои ги носеа жртвите кон гробните места. Застанаа мирно сите кои во тој момент се најдоа на улицата, луѓето излегуваа од возилата, за последно збогум на генерацијата која требаше да ги наследи.
Ѓраѓаните излегоа на терасите и немо го следеа текот на возењето, со насолзени очи, ги испраќаа во тишина, во мир. Илјадници луѓе доаѓаа од сите страни, преку пругата, ама и покрај шините како што водеше патот кон почивалиштата. Меѓу себе си разменуваа куси реченици, посочувајќи си ги имињата на нивните познаници кои изгубиле близок во несреќата.
-Ни ги зедоа децата. Не можеме да ги исплачеме, се слушаа тивки разговори меѓу луѓето облечени во црно.
Срцепарателна беше атмосферата, новинарските екипи беа оддалечени од семејствата и местата каде што ги положуваа нивните деца, сестри, браќа, внуци.
Пред новинарскиот пункт беа поставени два шатора на Црвениот крст каде што им се даваше прва помош на оние кои не можеа здравствено да ја издржат траорната слика.
Освен лелеците од блиските, тишината ја параа сирените од амбулантните возила, кои постојано ги носеа оние на кои им беше неопходна лекарска помош.
Пристапот од гробните места до улицата беше тежок, кривулести тесни земјени патчиња. На околу 20 метри беа распоредени полицајци, им даваа насоки на повозрасните жители кои со пролетен зумбул во раката, не знаеја каде да се упатат, секој сакаше да оддаде почит на жртвите.
Млади спортисти, деца со маички на кои пишуваше „почивајте во мир, ангели наши“. Улиците останаа празни, единствено молскавично поминуваа возилата на брзата помош. Продавниците и локалите не работеа, тешки денови на очај и тага во Кочани.
Сара 18, Виктор 21… последно збогум за мирен сон стоеше на некролозите.
Време, многу поддршка и брза и ефикасна истрага е потребно овие кротки луѓе да излезат од колективната агонија.
На влезот од градот се наоѓа кобното место, дискотеката во која згаснаа 59 млади животи. Пеплосаниот објект го обезбедуваат полицајци и не дозволуваат пристап до влезот. Зад дискотеката се стигнува преку земјена угорница која личи на пат. Веќе паднал поголем дел од покривот над вратата која била заклучена од надвор и никој не можел да избега од смртоносните пламени.
Сè е тесно околу објектот, сè уште стојат две возила од кобната ноќ. Од тесната врата се гледа сив јаглен од изгорениот инвентар. Мрачна е атмосферата и околу објектот кај најблиските куќи.
– Сè е корупција, дофрлуваа додека го сликавме објектот.
Сите патишта кон Кочани вчера беа обезбедувани од полицијата. Градот и околината го надлетуваа полициски хеликоптери.
СЛАВА ИМ!
Министерството за здравство ги соопшти имињата на загинатите во трагедијата што во неделата се случи во Кочани во дискотеката „Пулс“.
-Не постои збор со кои можеме да ја искажеме болката и тагата што ги чувствуваме за прерано изгубените животи во трагичниот настан во пожарот во Кочани. Ги објавуваме имињата на жртвите и замолуваме да не се шпекулира со невистините информации, велат од Министерството.
Алексова Стефанија 2004
Џамов Јорданчо 1993
Трајчев Иван 2000
Ѓоргиев Џоко 2000
Коларов Александар 1981
Величков Иван 1998
Стојанов Андреј 2000
Антова Ивона 2003
Христовски Павел 2004
Димитријев Диме 1994
Насевски Никола 2007
Богданов Тоше 1994
Тодоровски Тоше 1988
Коцева Ана 2004
Живков Адријан 2000
Петрушов Гордан 2001
Горгиев Игорче 1976
Стевановски Филип 1988
Стојанов Томче 2003
Стоименова Моника 1999
Стојанов Стојанчо 1988
Пројковска Николовска Capa 1977
Шопова Марија 1997
Ивановски Петар 2004
Ѓорѓиев Александар 1991
Марковски Матеј 2007
Закова Бојана 1997
Василков Ѓорѓи 1999
Петров Александар 1999
Минова Драгана 2008
Алексова Capa 2006
Ѓорѓиески Андреја 1982
Ивановски Филип 2008
Јорданова Capa 2007
Стрезоска Марија 2001
Ефремов Александар 1992
Велков Игор 1980
Тасева Стојковска Лепа 1998
Атанасовски Мартин 1996
Алексов Александар 1986
Минов Божидар 2001
Милковска Кети 1999
Златков Томас 2003
Соколова Стефанија 2005
Велков Леонид 2007
Наунова Надица 2007
Јорданов Виктор 2000
Панов Андреј 2000
Иванов Димитар 2008
Стоименов Спиро 1998
Владимиров Јове 1993
Андонов Ице 2003
Тасевски Стефан 1988
Величков Ѓорѓи 1994
Стојанов Александар 1986
Христова Сања 1999
Танески Дамјан 2006
Спасова Моника 1998
Лазаров Андреј 1999
