Почина брилијантниот холивудски актер Вал Килмер

Еден од најпознатите холивудски актери Вал Килмер почина на 65-годишна возраст. Килмер почина од пневмонија, потврди за Њујорк Тајмс неговата ќерка, актерката Мерцедес Килмер. Со години се бореше со ракот на грлото, кој му беше дијагностициран во 2015 година. Тој е роден и израснат во долината Сан Фернандо и се прослави со улогата на Том „Ајсмен“ Казански во филмот „Топ Ган“ од 1986 година, каде глумеше заедно со Том Круз.

Килмер се прослави и со улогите на Џим Морисон во филмот „The Doors“, го играше и Бетмен во истоимениот филм, а неговата филмографија вклучува незаборавни улоги како Док Холидеј во филмот Tombstone од 1993 година.

Во текот на неговата кариера, тој соработуваше со големи режисери, играјќи различни ликови – од помошникот на Роберт Де Ниро во филмот „Heat“ од 1995 година до криминалецот Сајмон Темплар во филмот „Светецот“ од 1997 година.

Неговиот љубовен живот беше исто толку динамичен како и неговите улоги на големото платно. Тој беше во врска со музичката дива Шер, која еднаш призна дека е „лудо вљубена“ во него и покрај разликата во години. Нивната врска од 80-тите беше страсна и инспиративна, а Шер подоцна призна дека Килмер бил единствениот маж кој ја напуштил, а не обратно.

По Шер, Килмер имаше романса со пејачката Карли Сајмон, која ја опиша како „ангел“. Нивната љубов беше краткотрајна, но длабока, а Килмер во својата автобиографија напиша дека еднаш му посветила песна која ја напишала додека биле во нејзината куќа.

Неговата единствена сопруга беше актерката Џоана Вејли, со која имаше две деца, ќерката Мерцедес и синот Џек. Нивната љубов започнала за време на снимањето на филмот „Врба“, но се развеле во 1996 година, по осум години брак.

По разводот, Килмер беше во врска со супермоделот Синди Крафорд, која ја опиша како исклучително посветена и професионална жена. Нивната врска привлече големо внимание во јавноста, бидејќи Синди во тоа време беше една од најпознатите манекенки во светот.

Во 2000-тите, неговиот љубовен живот ја вклучуваше актерката Дерил Хана, за која призна дека е неговата најголема емоционална загуба. По раскинувањето призна дека плачел секој ден половина година. Имаше романса и со оскаровката Анџелина Џоли, со која играше во филмот „Александар“. Килмер ја опиша Анџелина како жена која е „повеќе од другите“ – поубава, помудра, помагична