Откако пожар му го проголта домот во Пацифик Палисадес, големиот Ентони Хопкинс со моќна порака: „Она што секогаш можеме да го земеме со себе, е љубовта што ја даваме“

Бројни познати личности ги загубија своите домови во пожарите кои зафатија неколку населби во Лос Анџелес, меѓу кои и домот на Ентони Хопкинс.

Неговиот дом во Пацифик Палисадес стана куп урнатини по пожар, а по настанот тој сподели емотивна порака на социјалните мрежи.

„Додека сите ние се бориме да се опоравиме од уништувањето на пожарите, важно е да запомниме дека единственото нешто што секогаш можеме да го земеме со себе е љубовта што ја даваме“, рече Хопкинс.

View this post on Instagram

 

A post shared by Anthony Hopkins (@anthonyhopkins)

Многу познати личности донираа средства за помош на жртвите, како и за помош на пожарникарите кои работат на сузбивање на пожарите низ Лос Анџелес.

Повеќе од 100.000 луѓе се евакуирани од погодените области бидејќи шумските пожари продолжуваат да растат поради силните ветрови. Пожарите уништија речиси 30.000 хектари земја, оставајќи илјадници згради во урнатини.