Главната зграда на аеродромот во Барселона е потопена, вода протекува од таванот додека патниците ги соблекуваат чевлите и боси одат до капијата. Дождот силно врне и по улиците на градот, каде што една жена е снимена како се движи низ водата со гребло, а во блискиот Кастелдефелс, на околу еден час возење од Барселона, автомобили „пливаат“.
🚨🇪🇸 Flooding Hits Terramar Neighborhood, Sitges,Barcelona, Spain
Alert: Heavy rainfall causes sudden flooding in the area.#dana #gotafria #inondations #flood pic.twitter.com/nvx03YlWcn
— Weather monitor (@Weathermonitors) November 3, 2024
Ова се сцените кои денеска пристигнуваат од Шпанија, по обилните врнежи и смртоносните поплави што ја погодија Валенсија, при што загинаа најмалку 217 луѓе.
Моќните бури што предизвикаа смртоносни поплави во источна Шпанија минатата недела, сега ја погодија Барселона, предизвикувајќи поројни поплави на главниот градски аеродром и околните области.
Així està ara mateix l’Aeroport del Prat. Molts vols es desvien a altres destinacions. El pàrquing es comença a inundar. Els treballadors de moment han d’anar-hi, l’operativa de terra es manté igual. @SERCatalunya pic.twitter.com/gdy1IVb9nq— Ferran Dalmau (@FerranDalmau) November 4, 2024
Метеоролошката служба на Шпанија издаде црвено предупредување за врнежи, предупредувајќи ги луѓето да не патуваат освен ако тоа не е „строго неопходно“ и да бидат внимателни. „Дејли мејл“ пишува дека мобилните телефони на жителите на Барселона денеска алармирале со предупредувања за „екстремни и континуирани врнежи од дожд“ на јужната периферија на градот.
More visuals from Castelldefels, Barcelona, Spain.#Castelldefels #Barcelona #DANA#Catalonia #Spain#Floods #Flooding #SpainFloods#Inundación #InundacionesEnEspaña #España
pic.twitter.com/YkK4sBLZ6F— Mr. Shaz (@Wh_So_Serious) November 4, 2024
Патиштата се блокирани од одрони од кал и надојдена вода, а возачите беа снимени како возат низ поплавените улици додека очајнички се обидуваа да се вратат на безбедно.
На едно од видеата на социјалните мрежи, се гледа како брановите силно го погодија брегот на Барселона.
Las olas golpean con fuerza y engullen a los edificios en la costa de Sitges, en Barcelona, Cataluña, ofreciendo un impresionante y alarmante espectáculo de la naturaleza.” pic.twitter.com/i4pazcnv7B
— SocialPolitk (@SocialPolitk) November 4, 2024
Шпанскиот министер за транспорт Оскар Пуенте изјави дека сите приградски возови во североисточна Каталонија, регион со осум милиони жители, се суспендирани на барање на службениците за цивилна заштита.Неколку автопати беа затворени поради поплави. Снимките објавени на социјалните мрежи покажуваат возила на делумно поплавен дел од патот.
Наставата е откажана во Тарагона, град во јужна Каталонија на половина пат помеѓу Барселона и Валенсија, откако беше издадено црвено предупредување за врнежи од дожд. Интензивниот дожд во градот Тарагона почна да паѓа од полноќ и предизвика поплави, а градските власти веќе им препорачаа на граѓаните денеска да работат од дома. Властите на Тарагона преку мегафони предупредија да се отстранат возилата од одредени улици во населбата Ла Вал де л’Арабасада, на која и се заканува поплава, а градските власти го затворија пристапот до реката Франкола поради прогнозата за обилни врнежи и ризикот од поплави.
