Претклиничките истражувања на вакцината против рак, која ја развиваат експертите на Научноистражувачкиот центар за епидемиологија и микробиологија „Гамалеја“ покажуваат дека по употребата на вакцината туморот се повлекува и метастазите исчезнуваат, изјави во неделата директорот на „Гамалеја“ Александар Гинзбург.
„Преку претклиничките истражувања гледаме дека туморот, меланомот, едноставно се повлекува, исчезнува, а не само туморот, туку и метастазите, не исклучувам дека ќе имаме и пациенти во четврта фаза“, изјави Гинзбург, пренесе РИА Новости.
Според директорот на Истражувачкиот центар „Гамалеја“, вакцината против рак ќе биде персонализирана, односно изработена за секој пациент поединечно.
Во развојот ќе помогне вештачката интелигенција која ќе ги анализира параметрите на туморот и ќе направи „план“ на идниот лек, а експертите ќе го користат за подготовка на вакцина во рок од една недела.
