Деновиве студентите се пожалија на социјалните мрежи дека од страна на Театар Комедија не се почитува меморандумот склучен меѓу Универзитетското студентско собрание на УКИМ и Министерството за култура со кој им се овозможува попуст од 50 проценти на билетите за влез во секојa културна установа. Образложението на Театарот Комедија наводно бил дека оваа можност им е укината бидејќи се злоупотребува од студенти?!
Од Театар Комедија, сепак, уште денес беше објавен повик до студентите да го понесат индексот за да ја остварат можноста што им е дадена со меморандумот и да си купат билет за претстави во февруари со 50 отсто попуст.
