По разорните земјотреси на Санторини, силно невреме и поплави го погодија уште едно летувалиште/ФОТО

Кефалонија вчера, ја зафати силно невреме, а обилните врнежи предизвикаа лизгање на земјиштето и поплави на повеќе места во Грција. Во меѓувреме, од друга страна, поради земјотрес со јачина од 5 степени според Рихтеровата скала, вонредна состојба е прогласена на островот Аморгос, кој се наоѓа во непосредна близина на Санторини.

Ситуацијата во Кефалонија е драматична. На патиштата имаше одрони, тони кал ги покри улиците, додека родители со деца останаа заробени во автомобилите, поради што требаше пожарникарите да интервенираат за да ги ослободат.

Κεφαλονιά: «Βροχή» τα προβλήματα από την κακοκαιρία – Δρόμοι-«ποτάμια» και κατολισθήσεις https://t.co/Oyc3Tw3kz8

— naftemporiki.gr (@naftemporikigr) February 14, 2025

Во јужна Кефалонија, со центар во областа Ливатос, има обилни врнежи од дожд кои континуирано паѓаат од четвртокот навечер. Метеоролошките станици, лоцирани во различни делови на островот, забележаа високи врнежи на повеќе места.

Во рамнината Перататас, во областа на манастирот Свети Андреј, обилните дождови предизвикаа излевање на потоци, предизвикувајќи голема штета. Пожарникарите морале да испумпуваат вода од околните куќи.

«Σάρωσε» την Κεφαλονιά η κακοκαιρία – Χείμαρροι, δρόμοι ποτάμια, κατολισθήσεις και απόγνωσηhttps://t.co/P24FgrVQo2#VoiceNews #κακοκαιρία #Κεφαλονιά pic.twitter.com/Lg7hgjS7FR

— Voice News (@apokalyptikodel) February 14, 2025

Обилните врнежи од дожд ги претворија околните полиња и патишта во „бесконечно“ езеро. Надлежните го следат развојот на врнежите, а издадено е и предупредување за можно дополнително влошување во наредните часови.

Островот Аморгос го потресе земјотрес со јачина од 5 степени, а првата мерка беше затворање на училиштата. За речиси 2 недели, забележани се повеќе од 14.000 сеизмички активности.

Аморгос, кој има помалку од 2.000 постојани жители, се смета за помалку ранлив поради неговиот карпест терен и помалку густата градба од Санторини.

Во неодамнешната изјава за Грик Репортер, градоначалникот на Санторини, Никос Зорзос, го изрази својот оптимизам за ситуацијата во иднина.

„Ова е феномен што ќе заврши. Не може да трае вечно. Овие земјотреси ќе траат неколку дена, неколку недели, а потоа ќе престанат… Санторини ќе се врати како што беше“, рече тој.