По реизборот на Доналд Трамп за претседател на САД, дистописките романи бележат значителен пораст на продажба, а најистакнати меѓу нив се „Приказната на слугинката“ на авторката Маргартет Атвуд и „1984“ на Џорџ Орвел, пренесува Гардијан.
Книгата брзо се искачи на скалилото на најпродавани книги на Амазон, искачувајќи се за 400 места и достигнувајќи го третото место. Романот на Атвуд, прв пат е објавен во 1985 година и е номиниран за Букеровата награда, и веќе стекна популарност во текот на првиот мандат на Трамп, а неговата адаптација во телевизиска серија со Елизабет Мос во главната улога дополнително ја зголеми неговата препознатливост.
Дејството во „Приказната на слугинката“ се одвива во дистописка верзија на Нова Англија, каде што патријархалното општество им ги ускратува основните права на жените, личното право на репродукција, под изговор за христијанскиот морал. Овие теми повторно го предизвикаа интересот на критичарите на политиките на Трамп, особено откако беше укината пресудата на Врховниот суд Рое наспроти Вејд во 2022 година што доведе до нови ограничувања на правата за абортус.
Зголемената побарувачка и за други дистописки класици на Орвеловото дело „1984“, кое прикажува тоталитарна држава со масовен надзор и пропаганда, па романот на Бредбери „Фаренхајт 451“, кој опишува општество во кое се забранети книгите, а пожарникарите ги палат по налог на владата. Овие романи сега се наоѓаат на скалилото на Амазон меѓу 40-те најпродавани.
Покрај фикцијата, историката книга на Тимоти Снајдер, „За тиранијата: дваесет лекции од 20-тиот век, исто така доживеа пораст на интерес. Издадена во 2017 хофинс во текот на првиот мандат на Трамп, книгата ја истражува опасност аод авторитаризам и повторно ги привлекува читателите загрижени поради насоката во која би можела да се движи Америка.
