Околу 7.600 сириски мигранти ја преминале турската граница и се вратиле во својата земја по падот на сирискиот претседател Башар ал Асад пред една недела, изјави денеска турскиот министер за внатрешни работи.
Вкупниот број Сиријци кои „доброволно се вратиле од Турција“ од 9 до 13 септември достигна 7.621, напиша Али Јерликаја во соопштението објавено на „Х“.
Бунтовниците предводени од исламистите влегоа во Дамаск и го соборија Асад на 8 декември.
Турскиот министер за одбрана Јашар Ѓулер денеска исто така изјави дека Анкара е „подготвена да обезбеди воена помош доколку новата сириска влада го побара тоа“.
Турција е „подготвена да ја обезбеди потребната помош доколку новата влада го побара тоа, рече министерот, пренесоа локалните медиуми.
Ѓулер додаде и дека треба да им се дадат шанси на новите власти во Дамаск, кои се предводени од исламистички бунтовници.
