Првото основно јавно обвинителство во Белград соопшти дека во врска со инцидентите во српското Собрание испратило барање до полицијата да ги собере потребните информации за откривање на сторителот.
Дежурниот јавен обвинител во тоа обвинителство барањето го упати и поради „постоење суштински елементи на кривичното дело „тешки кривични дела против јавната безбедност“, соопштија од обвинителството.
На полицијата ѝ е наредено да ги утврди фактите и да ги собере сите докази за да го утврди идентитетот на лицата кои ја донеле и употребиле пиротехниката, како и како биле внесени во просториите на српскиот парламент.
Во соопштението се наведува и дека „наредено е да се утврди идентитетот на лицата кои фрлале разни предмети и со тоа им нанеле повреди на пратениците“.
Наредено е и утврдување на идентитетот на повредените пратеници, како и прибирање медицинска документација за повредите“, соопштија од обвинителството.
