Нападот во Вилах, во кој Сириец до смрт избоде 14-годишно момче и повреди пет лица, се третира како терористички напад со исламистичка позадина, изјави во неделата австрискиот министер за внатрешни работи Герхард Карнер.
„Ова е исламистички напад поврзан со Исламската држава“, рече Карнер во Вилах во сојузната држава Корушка.
Карнер рече дека 23-годишниот осомничен Сириец, кој легално престојувал во Австрија, „се радикализирал на интернет“.
Тој во саботата по случаен избор со нож нападнал минувачи во центарот на Вилах, при што тешко повредил 14-годишник кој починал од повредите. Повредени се уште пет лица, од кои три се на интензивна нега.
Напаѓачот бил запрен од друг Сириец кој доставувал храна во својот автомобил.
Како што пишува весникот „Клајн цајтунг“, минувачите првично го помешале доставувачот на храна, кој го запрел својот сонародник и на тој начин можеби спречил дополнителни жртви. Тие прво помислиле дека тој е напаѓачот и физички го нападнале.
„Секако дека сега сум загрижен дека луѓето ќе мислат лошо за нас, но ние Сиријците не сме такви“, вели 42-годишниот доставувач на храна.
ИЗДВОЕНИ
Минчев: Изјавата на Меџити за масовни вработувања е класичен пример на предизборен популизам, тој да не се однесува како Алиса во Земјата на чудата
Нови снимки покажа ОЈО, обвинетите се собираат кај Велибор Манев вечерта пред убиството на Панче
Мицкоски, гостин на Атлантскиот совет во Вашингтон: Македонија останува посветена на заштитата на националните интереси и идентитет
Тешките симптоми на грип се резултат на енормното загадување и слабиот колективен имунитет
