Во Истанбул, каде денеска малку по пладне беше регистриран силен земјотрес со јачина од 6,2 степени, се случија уште 127 последователни потреси, изјави турскиот министер за внатрешни работи Али Јерликаја, а министерот за здравство проф.д-р Кемал Мемишоглу објави дека во таа пригода се повредени 236 лица.
Бројните последователни потреси, од кои најсилниот беше 5,9 степени, ги вознемирија граѓаните и туристите во Истанбул и неговата околина.
„Во земјотресот нема загинати, а граѓаните се повредени со скокање од височина поради страв и паника. Во Истанбул се повредени 173 лица, во Текирдаг и Сакарија 24, во Јалова двајца и во Бурса тројца“, изјави Мемишоглу.
Јерликаја рече дека една зграда е урната во централната општина Фатих, а девет куќи се евакуирани, објави Хаберлер.
Итната помош примила нешто повеќе од 10.000 повици, но тоа не е многу за „мегаград“, рече Јеликаја.
ИЗДВОЕНИ
Ватикан бара враќање на земјата во Паљурци и светилиште за Мајка Тереза на Водно, а ние – Нунцијат во Скопје: ШТО ГИ ОПТОВАРУВА МЕЃУСЕБНИТЕ ОДНОСИ НА СВЕТАТА СТОЛИЦА СО МАКЕДОНИЈА?
Криминалниот ум би ја убил Зорица, а не Вања !?
Не е време за пиво и скара туку за борба за работнички права, ССМ повика на првомајски протест
ЕКО СРЕДА, ШТО АКО…? Од ‘рѓосани фабрики до зелени острови на културата
