Питон распарчен на парчиња, потврдена е болната вистина

Застрашувачката приказна доаѓа од Индонезија, каде семејството на 66-годишната Хесија започнала потрага откако таа не се вратила дома од работа во Јужен Сулавеси. За жал, нивните најлоши прогнози набрзо се остварија.

По неколкучасовна потрага, мештаните во густата вегетација пронашле огромен питон долг осум метри. Змијата имала видно отечен стомак, што веднаш предизвикало сомнеж. Кога ја фатиле и ја распарчиле, ја откриле страшната вистина – во нејзиниот стомак било безживотното тело на несреќна жена.

Експертите веруваат дека питонот ја нападнал Хесија додека таа се движела низ високата трева, се замотал околу нејзините нозе, ја здробил со силен стисок и потоа ја проголтал цела.

• Ова е страшно. Знам дека тоа било болна смрт за мајка ми. Иако питонот е мртов, тоа не е утеха. Сега се молиме за душата на Хесија, изјави низ солзи нејзината ќерка Нурдин.

Началникот на локалната полиција Питу Риасе упати предупредување до жителите: „Ве повикуваме да бидете внимателни кога патувате низ плантажите, бидејќи во оваа област живеат големи питони. Тие се агресивни и ги напаѓаат луѓето бидејќи ги гледаат како лесен плен“.

Огромните змии претставуваат сериозна закана за луѓето во одредени делови на Индонезија. Експертите советуваат дополнителна претпазливост и избегнување области каде што често се забележани питони.