Халкбанк, в недела, во Маврово, ја организира петтата по ред трка „Халк вело грин“. Во трката ќе учествуваат околу 300 велосипедисти, кои ќе возат 22, односно 12 километри. Почетокот на трката е закажан за 10:00 часот.
Стартна и целна позиција е паркингот пред хотелот „Спорт“, каде што, покрај трката, ќе се одвива и забавна програма, наменета за сите гости, поддржувачи и пријатели на велосипедистите.
За да се обезбеди непречено и безбедно одвивање на трката, в недела, од 9:00 до 16:30 часот, ќе биде затворен сообраќајот на патниот правец од хотелот „Бистра“ до Леуново, во двете насоки.
