Песната од култниот југословенски филм „Ко то тамо пева“ рекреирана како повик до студентите за протестот во Белград/ВИДЕО

Студентите о блокада во Србија ја рекреираа култната сцена од филмот „Кој таму пее“ (Ко то тамо пева), во режија на Слободан Шијан. Тие објавија видео наречено „Кој таму блокира?“

„Во сабота ќе се раздени, од далеку ќе дојде ден. Сиромашните од овој крај чекаат да изгрее, чекаат да изгрее“, е дел од песната „За Белград“, со која ги најавија протестите што ќе се одржат во сабота на 15 март во главниот град на Србија.

Многу корисници на социјалните мрежи ги пофалија за оваа акција, а објавата има над 100 илјади лајкови.

Студентите порачаа дека нема да запрат додека нивните барања не се слушнат јасно и гласно. Меѓу клучните причини за бунтот, тие го наведуваат незадоволството од моменталната состојба во образованието, неправедната распределба на буџетските средства и недостигот од дијалог со надлежните институции.

Овој протест е продолжение на повеќемесечните студентски акции кои постојано собираа илјадници млади луѓе ширум земјата. Студентите веќе одржаа забележителни собири во Ниш, Крагуевац и Нови Сад, а Белград треба да биде кулминација на нивните барања.

 

View this post on Instagram

 

A post shared by Samoorganizovana grupa studenata – Blokada (@studenti_u_blokadi)