Продажбата на гас е комерцијален потфат и ова е перспективата од која Русија гледа на можното продолжување на транзитот на гас во Европа преку Украина, изјави денеска портпаролот на Кремљ, Дмитриј Песков.
Тој изјави дека тоа е така бидејќи „кога има продавач на гас, има и потенцијални купувачи“, пренесе ТАСС.
„Ако купувачите покажат интерес, ако функционира транзитната рута, тогаш, се разбира, продавачот ќе биде подготвен да разговара за сето ова. Никој ништо не негира или одбива“, рече Песков.
Тој ги коментираше шпекулациите дека евентуалното префрлање на контролата врз гасоводот во Украина на САД ќе биде од корист за Русија, со тоа што повика да не се политизира ситуацијата со транзитот на гас.
„Сепак, доколку новиот сопственик се согласи да потпише договор со „Гаспром“, ние сме подготвени да преговараме за нашиот гас, бидејќи тоа е чисто комерцијално прашање“, изјави портпаролот на Кремљ во интервју за францускиот магазин Le Point, пренесува Танјуг.
ИЗДВОЕНИ
Првата антикорупционерка на Вибер му оддавала тајни податоци на Небојша Стојановиќ
Судот определи мерки за претпазливост за актуелната претседателка на ДКСК за предметот “Адитив“
Од паушалните сметки за струја боли глава!
По 40 дена од трагедијата, Кочани и обвинителот во фокусот на пратеничките прашања
