Пејачот Владо Георгиев ги шокираше своите следбеници на мрежата „Икс“ со објавата дека одлучил да се придржува до најстрогиот пост – целосно без внес на храна, за да го активира процесот на автофагија.
Георгиев пред девет дена откри дека започнува предизвик да се воздржува од храна на подолг временски период.
– Повторно гладување и автофагија, нема храна за следниот период, ќе видиме до кога. Се надевам на што подолго, но и 100 часа се веќе голема работа за телото – напиша Георгиев.
Opet gladovanje i autofagija, bez hrane naredni period-vidjećemo koliko. Nadam se što duže, ali i 100h je već velika stvar za organizam. Počeo danas od 17:30
🦾— Vlado Georgiev – Barba (@VladoGeorgiev) March 31, 2025
Во меѓувреме, пејачот редовно ги известува следбениците за својот напредок, а денес сподели дека успешно влегол во 201-от час без храна или повеќе од осум дена целосен пост. Неговата следна цел, вели, е 216 часа.
– Засега чувствувам феноменален, неверојатен баланс без никакво чувство на глад. Ова од срце им го препорачувам на сите кои имаат сила за одлука“, напиша Георгиев на платформата „Икс“.
Počeo 201. sat – bez ikakve hrane Checkpoint 3 #gladovanje #autophagy idem dalje na 216 sati i osluškujem tijelo, za sada se osjećam fenomenalno, nevjerovatan balans bez ikakvog osjećaja gladi. Svima koji imaju snagu odluke preporučujem ovo od srca. Pozdrav tvitersi i laku noć 🎩
— Vlado Georgiev – Barba (@VladoGeorgiev) April 8, 2025
Тоа е диета позната како автофагија, процес во кој телото ги користи сопствените ресурси за енергија за време на продолжениот пост, елиминирајќи ги токсините и топењето на масните наслаги.
За време на оваа диета е забрането внесување било каква храна, но дозволено е консумирање вода, чаеви и природни сокови без калории. За да се активира процесот на автофагија, неопходно е да не се консумираат калории најмалку 12 до 16 часа.
Георгиев очигледно ја надмина оваа граница, а неговите обожаватели внимателно следат како ќе продолжи неговиот експеримент.
