Еден од најуспешните инвеститори на Волстрит издаде остро предупредување, сугерирајќи дека неодамнешниот пад на акциите поттикнат од царините на Доналд Трамп е само увертира за многу подрастичен пад на пазарот.
Марк Шпицнагел, главен инвестициски директор и основач на Universa Investments, предвидува потенцијален пад од дури 80%. Шпицнагел, чиј хеџ-фонд Universa Investments од 16 милијарди долари е специјализиран за ублажување на ризиците од таканаречените „црни лебеди“ – непредвидливи настани со огромно влијание на пазарот – изјави за MarketWatch дека „од зад аголот демне пад од 80 проценти“.
– Очекувам пад од 80 проценти кога сето ова ќе заврши. Само мислам дека не е сега. Ова е замка“, рече тој, додавајќи дека инвеститорите ќе знаат кога ќе се случи вистински крах.
Universa е позната по тоа што генерира огромни приноси за време на турбуленции на пазарот, како што се неверојатни 4.144% во првиот квартал од 2020 година, обележан со пандемијата на КОВИД-19.
Шпицнагел смета дека сегашната распродажба на акциите не е само начин да „се истресат“ несигурните вложувачи. Армагедонот ќе дојде тоа време кога меурот ќе пукне“, нагласи тој, пренесува Дејли Мејл.
ИЗДВОЕНИ
Столот специјално направен за папата Франциск oстана вредна реликвија во скопската катедрала
Првата антикорупционерка во корупциски скандал, ќе даде ли оставка или ќе причека?
Вистински инвалиди не добивале потпис, со нивните дијагнози други заработувале пензии
Повисоки плати не се 500 евра, туку 500 евра е минималец кој ќе ги зголеми другите плати!
