Хипотекарен кредит е изворот на парите со кои партијата Левица го купила деловниот простор од 409 квадратни метри во Адвокатската улица во Скопје. Ова денеска, за весникот ВЕЧЕР, го изјави пратеникот од оваа опозициска партија, Амар Мециновиќ. Тој одговори на нашето новинарско прашање од кои извори партијата Левица обезбедила 295.000 евра колку што, според вчерашната изјава на премиерот Христијан Мицкоски, чинело купувањето на деловниот простор и дали се работи за донации или за кредит.
– Висината на кредитот е 350.000 евра, бидејќи вклучува и реновирање на објектот, кој беше руиниран, и е земен од друга банка, а не од Уни Банка – ни рече денеска Мециновиќ.
Според него, премиерот Мицкоски прави обид да направи сензација од непостојна тема.
– Покрај обидот на Мицкоски да направи сензација од непостојна тема, мислејќи дека ареалот на криминал што го имаат воспоставено тие во политиката во однос на својата Бела палата, ќе се преслика на другите политички партии, Левица, преку хипотекарен кредит, ги обезбеди своите први простории откако постои, како централа за сите политички активности на партијата, кои, поради хипотекарниот кредит, се под залог – објасни Мециновиќ.
Тој објасни дека е дојдено до цената од 721 евро за квадрат со деловни преговори помеѓу продавачот и купувачот. Инаку, оваа партија досега немала никаква деловна соработка со Уни банка.
– Со Уни банка немаме никаква деловна соработка, освен како продавач на овој имот, кој бил под стечај веќе две години и пропаѓал – наведе партискиот портпарол.
Тој додаде дека документите за овој случај се јавно достапни во Катастарот на недвижности.
– Тие се достапни, иако премиерот мавташе со документи на собраниската говорница како да се службена тајна. Имено, кога станува збор за тајни документи, нам, како опозиција, повеќе нè загрижува вмешаноста на високите владини функционери во излевањето државни тајни кон картели, преку своето обезбедување – потенцира Амар Мециновиќ. (Б. Ѓ.)
ИЗДВОЕНИ
Во Европа и САД се кренаа против Трамп: “Рацете подалеку“ – „Светот е уморен од твоите глупости Доналд“
Директорката на клиниката за пластична хирургија низ солзи им се заблагодари на странските доктори за помошта по трагедијата во Кочани/ВИДЕО
НАСА ќе ја спасува Земјата со награда за изум од три милиони долари!
Камерите се поставени: На дното на познато езеро се чека да се појави чудовиште?! (ВИДЕО)
