Папата Франциск рече дека бил цел на самоубиствен напад кога го посетил Ирак пред три години, што е прва посета на поглаварот на Римокатоличката црква на земјата и веројатно најризичното патување во последните 11 години откако стана папа.
Во извадок од неговата претстојна автобиографија објавена денеска, папата рече дека откако слетал во Багдад во март 2021 година, полицијата го информирала дека двајца познати бомбаши самоубијци планирале напад на еден од неговите закажани настани.
„Жена полна со експлозиви, млад камиказа, се упатила кон Мосул за да се разнесе за време на посетата на папата. Исто така, комбе тргнало со полна брзина со истата намера“, напишал Франциск, според извадокот од книгата објавен во италијанскиот дневен весник „Кориере дела сера“.
Италијанската „Кориере дела сера“ објави извадоци од книгата со наслов: „Надеж: автобиографија“, напишана заедно со италијанскиот автор Карло Мусо.
Автобиографијата ќе биде објавена во повеќе од 80 земји следниот месец.
ИЗДВОЕНИ
Дали се ова најдобрите телефони на преклоп?
АСТРОЛОГ ЗОРАН КРСТЕВСКИ: Во 2025 хармонизација за близнаците, професионален напредок за ракот!
Бебињата-близнaци починале од премрзнатост и глад?!
„11i11 saat“ – уникатен часовник со потпис на Македонецот Петар Кајевски; Необичен дизајн, нестандардни маркери за стрелките, бројот 8 за навивање!
