Авион бил принуден да се врати на аеродромот во Приштина поради птици кои влегле во моторот на авионот. Леталото требаше да лета на релација Приштина-Хамбург вчера. Патниците доживеале страшен и опасен момент, пренесе КосоваПрес.
Еден од патниците, кој сакал да остане анонимен, изјавил за агенцијата дека полетале за Хамбург во 08:40 часот, но по 30 минути нешто тргнало наопаку.
„Бевме некаде над планините во Албанија, авионот почна да се тресе, мислев дека ќе паднеме и го стегнав појасот. По 30-минутно летање се вративме на аеродромот во Приштина“, рече патникот.
Причината биле две птици кои влегле во моторот на авионот.
