На денешното рочиште во Кривичниот суд во Скопје за грозоморните убиства на Вања Ѓорчевска и Панче Жежовски, првообвинетиот Љупчо Палевски ќе го испитува Влатко Кешишев кој сведочеше минатиот пат.
Палевски не беше во можност да го слуша неговото излагање бидејќи адвокатот Игор Ефремов побара тој да биде привремено отстанет од судницата.
„Имам 97 прашања, јас сум ги прочитал сите записници од Јавното обвинителство. Ги користам за да поставам квалитетни прашња, а не ги цитирам. Бидејќи во нив се наоѓаат важни податоци за целиот судски случај. И се надевам дека тоа не е тешко кривично дело за тоа што имам сознанија, за тоа колку некој бил контратикторен и тоа е причина зошто не се читани записниците на Влатко Кешишев“, рече Палчо во судница.
