Екипите на јавното претпријатие Комунална Хигиена во текот на вчерашниот ден работеле на отстранување диви депонии во скопските општини Кисела Вода и Центар.
Од претпријатието информираат дека во општината Кисела Вода било интервенирано на улиците: „Невена Георгиева-Дуња“ и „Димо Хаџи Димов“, од каде што биле подигнати вкупно 20 кубни метри непрописно одложен мешан комунален, градежен и кабаст отпад.
-Расчистени се и неколку помали диви депонии во околината на Градскиот стадион, каде што се подигнати и транспортирани приближно 15 кубни метри отпад од јавни површини – соопштија од ЈП Комунална Хигиена .
Воедно, во текот на изминатава седмица, Еко-патролата на ЈП Комунална Хигиена изготвила седум едукативно-информативни записници за граѓани и правни субјекти затекнати при непрописно одлагање отпад на јавни и сообраќајни површини во општините: Центар, Карпош и Чаир.
Во рамките на интервенциите на Еко-патролата, од страна на сторителите биле отстранети вкупно 32 кубни метри непрописно одложен градежен отпад.
ИЗДВОЕНИ
Сиљановска Давкова: Предлогот на Костадинов е непристоен и значи непочитување и непризнавање
Јаневска: Мора да запре изработката на нарачани магистерски и докторски трудови за пари
Рендген-снимањата недостапни за скопјани, нема термини за итните упати
Станбениот квадрат стана поскап од златото, цената ќе се урива со новите државни станови!?
