Инвазивното растение Solanum angustifolia, што го има во Тиквешијата, претставува сериозна опасност за екосистемот и земјоделството, ги загрозува тревопасните животни и земјоделските ресурси, предупредуваат од Здружението за заштита на животната средина, „Ековита”.
– Плевелот брзо се шири поради климатските промени, што создаваат идеални услови за негово растење. Тоа е отровно за добитокот и претставува директна закана за сточарите и нивната егзистенција. Ако не се спречи неговото ширење, може да доведе до трајни еколошки и економски штети, нагласи Кристина Тодорова, долгогодишен еко-активист и член на „Ековита“
Екологисти од Неготино започнаа со активности против отровно растение што ги загрозува екосистемот и земјоделството, информираа од Здружението за заштита на животната средина, „Ековита”
– Станува збор за екомисија, мапирање и контрола на ширењето на инвазивното растение Solanum angustifolia. Ова растение што веќе го има во Тиквешијата, претставува сериозна опасност за екосистемот и земјоделството, ги загрозува тревопасните животни и земјоделските ресурси, подвлече Кристина Тодорова, долгогодишен еко-активист и член на регионалниот еколошки центар, координатор на проектот.
Таа истакна дека е многу важно навреме да се реагира и да се спречи ширењето на ова растение, плевел.
– Брзо се шири поради климатските промени, што создаваат идеални услови за негово растење. Тоа е отровно за добитокот и претставува директна закана за сточарите и нивната егзистенција. Ако не се спречи неговото ширење, може да доведе до трајни еколошки и економски штети – нагласи Тодорова.
Таа појасни дека нивната мисија има за цел да го мапира ширењето на растението во регионот, да спроведе активности за ефикасно отстранување на растението, информирање на локалната заедница, сточарите и земјоделците за ризиците што ги носи ова растение.
Тодорова додаде дека активноста се реализира преку регрант на Здружението „Екосвест“, финансиски подржан од Амбасадата на Шведска.
ИЗДВОЕНИ
Минимална плата од 700 евра во Македонија – пуста желба или реалност
Бојкотот како аларм – ќе ги разбуди ли трговците?!
Проф. д-р Борче Треновски, универзитетски професор за ВЕЧЕР: Цените се „лепливи„, лесно одат нагоре, а многу тешко одат надолу
Уставниот суд дал црвено светло – Собранието не смее да разрешува членови на Судскиот совет
