Најмладиот син на американскиот претседател Доналд Трамп е побогат од некои негови браќа и сестри по татко.
Барон штотуку се запишал на Универзитетот во Њујорк (NIU), но неговата нето вредност експоненцијално се зголемила од неговите тинејџерски години, најмногу благодарение на фондот создаден од неговиот татко.
Поминаа осум години откако единственото дете на Меланија и Доналд Трамп почна да ги интересира медиумите. Иако имал едвај 10 години кога татко му првпат станал претседател, сите погледи биле вперени во него.
Сето ова време, деталите за неговите приходи или имот беа строго чувана тајна, но откако тој стана полнолетен, некои детали почнаа да излегуваат на виделина, како неговиот имот и приходите од учеството во кампањата на неговиот татко.
Која е нето вредноста на Барон Трамп?
Според веб-страницата National World, богатството на Барон се проценува на 80 милиони долари. Според истиот извор, тоа потекнува од семејни средства и некои имоти на негово име, како замок од 10.000 квадратни метри во Мар-а-Лаго, проценет на 11 милиони долари и имот од 30 хектари во Њу Џерси во вредност од 19 милиони долари. Остатокот од богатството на Барон, наводно e од команијата што неговиот татко му ја основал.
Според информациите од авторката Мери Џордан во нејзината книга „Уметноста на нејзината работа“, Меланија повторно преговарала за нејзиниот предбрачен договор со Трамп пред неколку години за да се погрижи нејзиниот син да добие подобар третман во тестаментот на неговиот татко.
Дали Барон е побогат од неговите браќа и сестри?
Иако нето вредноста на Барон Трамп е непотврдена, ако проценките на National World се точни, неговото богатство би го надминало богатството на неговата полусестра Тифани. Според специјализираните веб-страници, нето вредноста на ќерката на Доналд и Марла Мејплс е помеѓу 10 и 30 милиони долари.
Сепак, младиот Барон е сè уште далеку од конкуренцијата со своите постари браќа. Ерик и Доналд Џуниор. Тие имаат приближно нето вредност од по 350 милиони долари, додека имотот на Иванка достигнува 800 милиони долари, заедно со нејзиниот сопруг Џаред Кушнер.
Во овој поглед, Доналд Сениор останува неприкосновен победник. Според Форбс, богатството на 47-от американски претседател е 6,8 милијарди долари, што е сепак далеку пред кој било од неговите потомци.
I heard a rumour Barron’s started a $43 million luxury real estate venture with a couple of young friends.
Makes me wonder if $TRUMP was all his idea.
Brilliant 👌 pic.twitter.com/ttycenzXkz— Minocrisy (@minocrisy) January 23, 2025
