Поради тешката трагедија од големиот пожар, кој се случи во дискотеката во Кочани, сите изведби во Македонскиот народен театар од 17 до 22 март 2025 година ќе бидат откажани, како знак на почит кон настраданите и нивните семејства, соопштија од МНТ.
„Да покажеме солидарност и разбирање во овие тешки моменти за нашето општество“.
Како што информираат оттаму, средствата од купените онлајн билети ќе бидат рефундирани системски, а билетите купени од билетарницата ќе се рефундираат на истата, секој работен ден од 12:00 часот.
Од Македонскиот народен театар истакнаа дека ги отвораат вратите во знак на солидарност и општествена одговорност, за сите семејства на хоспитализираните лица кои се повредени од настанатиот пожар во Кочани.
„На семејствата кои имаат потреба да останат во Скопје и да бидат блиску до своите најблиски, Македонскиот народен театар ќе им овозможи престој тие да бидат сместени во гримиорните и апартманите“, додаваат од МНТ.
ИЗДВОЕНИ
Тапанарот на ДНК, 23-годишниот Горги Горгиев загина во пожарот во Кочани
Бројот на жртви во дискотеката во Кочани се искачи на 59, издадена потерница по четири лица
МЗ: 152 пациенти се хоспитализирани во здравствените установи, 18 се во критична состојба – веднаш по несреќата здравствениот систем беше целосно мобилизиран
Панчо од ДНК е хоспитализиран во една од клиниките во КЦ „Мајка Тереза“ со изгореници на лицето, моментално е на кислородна поддршка
